கார்ன்மீல் இட்லி & கருப்பு உளுந்து இட்லி பொடி - Cornmeal Idly & Black Urad dhal Idly Podi

சமைக்க தேவைப்படும் நேரம் : 10 நிமிடங்கள்

தேவையான பொருட்கள் :

         கார்ன் மீல் – 3 கப்

         உளுத்தம்பருப்பு – 1 கப்

         உப்பு – தேவையான அளவு

செய்முறை :

·         கார்னமீல் + உளுத்தம்பருப்பினை குறைந்தது 1 மணி நேரம் தனி தனியாக  ஊறவைத்து கொள்ளவும்.

·         மிக்ஸியில் உளுத்தம்பருப்பினை போட்டு மைய அரைத்து கொள்ளவும்.

·         பிறகு, கார்ன் மீல் சேர்த்து 1 நிமிடம் அரைக்கவும். (பெரியதாக இருந்தால் அரைக்கவும் இல்லையெனில் அரைக்க வேண்டாம்.)

·         உளுத்தம்பருப்பு மாவு + கார்ன் மீல் + உப்பு சேர்த்து நன்றாக கலந்து மாவினை புளிக்கவிடவும்.

·         இட்லி தட்டில், மாவினை ஊற்றி வேகவிடவும்.

·         சுவையான சத்தான இட்லி ரெடி. இதனை சாம்பார், சட்னி, பொடியுடன் சாப்பிட சுவையாக இருக்கும்.

கருப்பு உளுந்து இட்லி பொடி

பொடி செய்ய தேவைப்படும் நேரம் : 5 நிமிடங்கள்

தேவையான பொருட்கள் :

·         கருப்பு உளுந்து – 2 கப்

·         காய்ந்த மிளகாய் – 10 - 12

·         பூண்டு  தோலுடன் – 5 – 6

·         பெருங்காயம் – சிறிதளவு

·         உப்பு – தேவையான அளவு

செய்முறை :

கருப்பு உளுந்து + காய்ந்தமிளகாயினை தனி தனியாக வறுத்து கொண்டு சிறிது நேரம் ஆறவிடவும்.

மிக்ஸியில் கருப்பு உளுந்து + காய்ந்த மிளகாய் + உப்பு + பெருங்காயம் சேர்த்து 3/4 பாகம் அரைத்து கொள்ளவும்.

கடைசியில் இத்துடன், பூண்டு சேர்த்து கொரகொரவென அரைத்து கொள்ளவும். சுவையான சத்தான இட்லி பொடி ரெடி. இத்துடன் நல்லெண்ணெய் சேர்த்து கலந்து சாப்பிட சுவையாக இருக்கும்.