பூண்டு சட்னி & மஞ்சள் கார்ன்மீல் இட்லி - Garlic Chutney & Yellow Corn Meal Idly - Side Dish for Idly & Dosai

சமைக்க தேவைப்படும் நேரம் : 10 நிமிடங்கள்

தேவையான பொருட்கள் :

         பூண்டு – 20 பல் தோல் நீக்கியது

·         தக்காளி – 1

·         புளி – சிறிய நெல்லிக்காய் அளவு

·         காய்ந்த மிளகாய் – 5 – 6

·         உப்பு – தேவையான அளவு

கடைசியில் தாளித்து சேர்க்க :

·         நல்லெண்ணெய் – தேவையான அளவு

·         கடுகு, உளுத்தம்பருப்பு – தாளிக்க

·         கருவேப்பில்லை – 5 இலை

·         பெருங்காயம் – 1/4 தே.கரண்டி

செய்முறை :

·         தக்காளியினை பெரிய துண்டுகளாக வெட்டி கொள்ளவும். கடாயில் 1 தே.கரண்டி எண்ணெய் ஊற்றி காய்ந்தமிளகாயினை வறுத்து எடுத்து கொள்ளவும்.

·         பிறகு தக்காளியினை நன்றாக வதக்கி தனியாக வைக்கவும். கடைசியில் பூண்டினை போட்டு வதக்கி எடுக்கவும்.

·         வதக்கிய பொருட்களை சிறிது நேரம் ஆறவைத்து அத்துடன் புளி + உப்பு சேர்த்து மிக்ஸியில் போட்டு மைய அரைத்து கொள்ளவும்.

·         தாளிக்க கொடுத்துள்ள பொருட்களை தாளித்த பின் அரைத்த விழுதினை அதில் சேர்த்து 1 நிமிடம் வைக்கவும். சுவையான பூண்டு சட்னி ரெடி.

கவனிக்க :

தக்காளியினை விரும்பாதவர்கள் தக்காளியினை நீக்கி புளியினை அதிகம் சேர்த்து கொள்ளவும்.

நல்லெண்ணெய் சேர்த்தால் கூடுதல் சுவையுடன் இருக்கும்.

இந்த சட்னி 2 – 3 நாட்கள் வரை கெடாமல் இருக்கும். எண்ணெய் கூடுதலாக சேர்த்தால் குறைந்தது 1 வாரம் வரை நன்றாக இருக்கும்.

மஞ்சள் கார்ன்மீல் இட்லி

சமைக்க தேவைப்படும் நேரம் : 10 நிமிடங்கள்

தேவையான பொருட்கள் :

·         மஞ்சள் கார்ன்மீல் – 3 கப்

·         உளுத்தம்பருப்பு – 1 கப்

·         வெந்தயம் – 1 தே.கரண்டி

செய்முறை :

·         கார்ன்மீல் + உளுத்தம்பருப்பு +வெந்தயம் தனிதனியாக 2 மணிநேரம் ஊறவைத்து கொள்ளவும்.

·         மிக்ஸியில் போட்டு ஊறவைத்த பொருட்களை இட்லிக்கு அரைப்பது போல அரைத்து எடுக்கவும்.

·         இத்துடன் உப்பு சேர்த்து மாவினை நன்றாக கலக்கி சுமார் 6 – 8 மணி நேரம் புளிக்கவிடவும்.

·         மாவு புளித்தவுடன் இட்லி சுடவும். சுவையான சத்தான மஞ்சள் கார்ன்மீல் இட்லி ரெடி.

கவனிக்க :

கார்ன்மீல் ரவை போல இருந்தால் அரைக்க தேவையில்லை…ஆனால் பெரிய சைஸில் இருந்தால் 1 நிமிடம் அரைத்து கொள்ளவும்.